ရင်ထဲကအမေ့အိမ်

အညာမြေနွေအလှမှာ တစ်မာတွေကြွေကျပြန်တော့ လေရူးပမာသုန်သုန်ဖွဲ့လို့ နွေဦးမှာ ဆုံဘူးခဲ့တယ်..အညာပလီသကာလူး တမာဖူးနဲ့အချစ်ဦးသူရယ်…
အဲဒီသီချင်းလေးကို အမှတ်မထင်ကြားလိုက်မိတဲ့အချိန်မှာ ဟိုး အဝေးက မွေးရပ်အညာကို စူးစူးနင့်နင့် သတိရမိတယ်။
ငယ်ငယ်တုန်းက စာစီစာကုံးတွေထဲမှာရေးခဲ့ဘူးတယ်။ “ဇာတိချက်ကြွေ၊မွေးရပ်မြေနှင့် သွန်းရေခရာ ရုပ်ဝါထင်ရှား ဤသုံးပါးကို မမေ့စကောင်း“တဲ့။ ဖတ်ပြီးတော့သာရေးခဲ့တာ ရေးခဲ့တာ။ဘယ်ယုံမှာလဲ။ မယုံတဲ့အပြင် လှောင်လို့တောင်မှ ရယ်ခဲ့ဘူးပါရဲ့။ အဲဒီလှောင်ရယ်ဘူးခဲ့တဲ့အကြောင်းလေးကိုလည်း ပြောပြဦးမယ်။ ကျွန်တော်တို့ရွာရဲ့ အနောက်ဘက်မှာ တမုတ်ဆိုတဲ့ရွာကလေးရှိတယ်။ ရွှေဘို-မြစ်ကြီးနားလမ်းရဲ့ အရှေ့ဘက်ကပ်လျှက်ရှိနေတာဆိုတော့ လမ်းပန်းဆက်သွယ်ရေးကတော့ မဆိုးဘူးပေါ့။ ဒါပေမယ့် အဲဒီရွာကလေးက အိမ်ခြေ ၃၀လောက်ပဲရှိတယ်။ကျွန်တော်မှတ်မိသလောက်ကစပြီးပြောမယ်ဆိုရင် နှစ်ပေါင်းနှစ်ဆယ်အတွင်းမှာ အိမ်ခြေ၃၀ထက်ပိုပြီး တိုးမလာသလို လျှော့လည်းမသွားခဲ့ဘူး။ ဗွီဒီယိုရုံတစ်ရုံကလွဲလို့ ပျော်စရာအပိုဆိုတာ မရှိပါဘူး။
ကျွန်တော့်စိတ်ထဲမှာ စဉ်းစားမိတာပေါ့လေ။ ဒီလောက်ပျင်းစရာကောင်းတဲ့နေရာကို ဘာဖြစ်လို့နေကြသလဲဆိုတာကိုပေါ့။
အဲ…အိမ်ခြေတွေတိုးမလာဘူးဆိုတော့ အဲဒီကတိုးပွားလာတဲ့သူတွေက ဘယ်ရောက်ကုန်လို့လည်းလို့ မေးစရာရှိတာပေါ့လေ။ ဒီလိုခင်ဗျ…သူတို့ဆီက အရွယ်ရောက်လာပြီဆိုရင် မြို့ကအဆက်အသွယ်ရှိတဲ့နေရာတွေမှာ ကျောင်းဆက်တဲ့ပြီး အဲဒီမှာပဲအခြေချနေတဲ့သူကနေတယ်။ ရှမ်းပြည်လက်ဖက်ခူးသွားရင် ဟိုမှာပဲအခြေကျသွားတဲ့သူရှိတယ်။ ကျွန်းထဲမှာ မြေပဲဆွတ်သွားရင်းနဲ့ အဲဒီမှာ အိမ်ထောင်ကျသွားသူတွေလည်းရှိတယ်။
အဲဒီလို အကြောင်းကြောင်းတွေကြောင့် အိမ်ခြေတိုးမလာတာပေါ့။ ဒါပေမယ့် ဘယ်နေရာဘယ်ဒေသမှာပဲရောက်ရောက်
ဘာကြီးတွေပဲဖြစ်နေဖြစ်နေ သူတို့ရဲ့ သင်္ကြန်ပွဲတော်ရက်တွေ၊ဘုရားပွဲရက်တွေမှာဆိုရင်တော့ အဲဒီ တမုတ်ရွာကလေးကို
မရောက်ရောက်အောင်ပြန်လာတတ်ကြတယ်။ အဲဒီရွာက ကျွန်တော်နဲ့ အရမ်းခင်တဲ့ အစ်ကိုကြီးတစ်ယောက်ကိုမေးကြည့်
မိတယ်။ “ အစ်ကိုကြီးသန်းထွန်း..ခင်များတို့ကလည်း မြို့မှာနေပြီးတော့ ဒီလောက်ပျော်စရာကောင်းနေတာကို ဘာဖြစ်လို့ ဒီလို အိမ်ခြေ ၂၀၊၃၀လောက်ရှိတဲ့ ရွာသင်္ကြန်၊ဘုရားပွဲလေးကို လာပြီးပျော်ကြသလဲဗျာ။ ကျွန်တော်သာဆိုရင်တော့ ပြန်မလာတော့ဘူး“ လို့ပြောမိတယ်။ အဲဒီတော့ သူကကျွန်တော့်ကို တွေတွေလေးစိုက်ကြည့်နေတယ်။ ပြီးတော့ မပွင့်တပွင့်ပြုံးပြီးလိုက်ပြီး “ကောင်လေးရာ…မင်းငယ်ပါသေးတယ်“တဲ့။ပြီးတော့ ဆက်ပြောတယ်။ “ငါမြို့မှာ ချမ်းချမ်းသာသာနေရတာကတော့ ဟုတ်ပါတယ်ကွာ ..ဒါပေမယ့် လူဆိုတာဇာတိစိတ်တော့ရှိတယ်ကွ။ ငါ့ကို မွေးခဲ့တာ ဒီလို ဘာမှာမရှိတဲ့ရွာကလေးမှာပဲ မွေးခဲ့တာ။ ပြီးတော့ ဒီမှာပဲကြီးခဲ့တာ။ ငါဘယ်လိုလုပ်ပြီးတော့မေ့နိုင်မလဲ။ ဘာမှမရှိတဲ့ငါ့ရွာကလေးကို ငါချစ်တယ်။ အဲဒီဘာမှမရှိတာလေးကို တွေ့လိုက်ရတဲ့အခိုက်တန့်မှာလည်း ရိုးသားမှုရှိတဲ့ ငါ့ရွာကလေးဆိုပြီးတော့ ချစ်မိတာပဲ။ သတိရမိတာပဲ။ တစ်ခုခုတိုးတက်လာတာကို မြင်လိုက်ရရင်လည်း ပီတိဖြစ်မိတာပဲ။
ဘယ်လိုပဲဖြစ်ဖြစ်ကွာ ငါလည်းအဲဒီစိတ်ကို မင်းသိအောင် သေခြာပြောမပြတတ်ဘူး။ နောင်တစ်ချိန် မင်းကြီးလာလို့ မင်းရွာကနေ အဝေးတစ်နေရာကို ရောက်နေတဲ့အချိန်မှာ ငါပြောတာကို သူ့အလိုလိုနားလည်လာလိမ့်မယ်“ တဲ့။ အဲဒီအချိန်တုန်းကတော့ ဟုတ်မယ်မထင်ပါဘူး အစ်ကိုကြီးရာလို့ပြောပြီးရယ်ခဲ့မိတယ်။
အခုတော့ အဲဒီတုန်းကပြောခဲ့တာလေးတွေကို စဉ်းစားရင်းနဲ့ မှန်လိုက်လေ အစ်ကိုကြီးသန်းထွန်းရယ်လို့ ကိုယ့်ကိုယ်ကို တိုးတိုးလေးညဉ်းတွားမိတယ်။ အခုအချိန်မှာ ကျွန်တော်က မွေးရပ်မြေနဲ့ ဟိုးဝေးကြီးမှာ ။ အိမ်နဲ့ ရွာကိုပြန်မရောက်တာကလည်း လေးနှစ်နီးပါးရှိနေပြီလေ။ အဲဒါတွေစဉ်းစားမိလိုက်ရင် ရင်ထဲမှာ တမ်းတစိတ်နဲ့ မပျော်နိုင်တော့တာလည်း အမှန်ပဲ။ တစ်ခါတစ်လေလည်း အိမ်အကြောင်းရွာအကြောင်းကို စဉ်းစားရင်းနဲ့ တစ်ယောက်ထဲ
ပြုံးမိတဲ့အခါရှိသလို ၊လွမ်းမိတဲ့အခါလည်းမရေမတွက်နိုင်ပေါ့။ တစ်ခါတစ်လေကြတော့ အိမ်ကို သတိရတဲ့အကြောင်း
ရွာကို သတိရမိတဲ့အကြောင်းကဗျာလေး ၊စာလေး ရေးချင်သား။ မရေးတတ်လို့သာကြည့်နေရတယ်။ တစ်ကယ် သတိရမိတဲ့ အချိန်မှာ ကိုယ်ငယ်ငယ်တုန်းက တံမျက်စည်းနေ့တိုင်းလှည်းရလို့ ရှုတ်လိုက်တာလို့ အပြစ်တင်ခဲ့တဲ့ ကိုယ့်ခြံဝင်းထဲက ရွက်ဝါကြွေကလေးတွေကိုတောင် အမှတ်ရတယ်ဆိုရင် ပိုတယ်လို့ထင်ဦးမယ်နော်။ အင်း…အခုအချိန်မှာ အတောင့်တဆုံးအရာတစ်ခုကို ပြောပြပါဆိုရင် မေမေ့ရှေ့မှာ ခြေစုံရပ်ပြီး သားရဲ့ငယ်ဘ၀လေးကို ပြန်ပေးပါနော်လို့ ငယ်ငယ်တုန်းက ဖိုးရွှေလမင်းထံက ထမင်းဆီဆမ်းကို မရနိုင်မှန်းသိရဲ့နဲ့ မေမေ့ဆီမှာ ချွဲနွဲ့ပြီးတောင်းခဲ့သလိုမျိုး ပြန်တောင်းချင်တယ်။ လူတိုင်းလူတိုင်းမှာ အမှတ်ရစရာတွေ တစ်ခုထက်မကရှိနိုင်ပေမယ့် ငယ်ဘ၀လောက်တော့ တမ်းတမိမယ်မထင်ဘူး။ အခြေအနေ အကြောင်းအမျိုးမျိုးကြောင့် မွေးရပ်မြေနဲ့အဝေးကို ရောက်နေတဲ့သူအားလုံးလည်း အဲဒီလိုပဲ တမ်းတမိကြမယ်ထင်ပါတယ်။ ကျွန်တော်ဖတ်ဘူးတဲ့စာအုပ်တစ်အုပ်ထဲမှာ “ငှက်တွေဟာ ဆောင်းရာသီမှာ ဘာကြောင့်တောင်အရပ်ကို ပျံကြသလဲတဲ့။ အဖြေက ဇာတိစိတ်ကြောင့် သူတို့ပေါက်ပွားခဲ့တဲ့နေရာကို အရောက်ပြန်ကြတာပါတဲ့ “။ အင်း…ကျွန်တော့်ရဲ့ ဆောင်းရာသီတစ်ခုတော့ တစ်ချိန်မှာရရှိမှာပါ။ အဲဒီအချိ်န်မှာ ရောက်အောင်ပျံသန်းရမှာပေါ့။ အားလုံးလဲပျံသန်းနိုင်ကြမယ်လို့ယုံကြည်ပါတယ်။
ကျွန်တော်မျှော်လင့်နေတဲ့ဆောင်းရာသီကို မရောက်ခင်မှာ အညာမြေက တမာနွေကို လွမ်းရင်း စကားပြေမကျ ကဗျာမကျ စာတစ်ပုဒ်ရေးခြစ်မိတယ်။

နွေညအိပ်မက် ငါမက်ခဲ့စဉ်တုန်းက
တမာရနံ့ကလည်းသင်းတပျံ့ပျံ့
ရွက်ဝါတွေကလည်း လွင့်တပျံ့ပျံ့
ဥသြငှက်တွန်သံမကြားခဲ့ရပေမယ့်
ငှက်ခါး တောင်ပံခတ်သံတော့ကြားခဲ့ရတယ်
ထနောင်းရိပ်မှာ နှောင်းအတိတ်တွေကလည်း တဝေေ၀လို့
လွမ်းတရင်း မောလျ
အတိတ်အကြောင်းပြောပြသူတွေရဲ့
သက်ပြင်းချသံတွေကိုလည်း
နွေဦးမှာတိုက်ခဲ့တဲ့ လေရူးတွေအကြားမှာ
ကူညီခံစားရင်း ကြားခဲ့ရတယ်
ဟော….
ကြည့်စမ်း….
၁ ၂ ၃ ၄ ပြေးလာတဲ့ကလေးတွေ
နှောင်းအတိတ်တွေကလည်း ဝေစရာမရှိ
ကျောင်းပိတ်ချိန်မို့လည်း ပျော်စရာအတိ
အားကျလိုက်ပါဘိတော့ကွယ်..
ကလေးတို့ရယ်
ဖြစ်နိုင်မယ်ဆိုရင် ငါ့ကိုခေါ်နော်
မင်းတို့နဲ့အတူ ငယ်ဘ၀ကိုပြန်ယူလို့မရပေမယ့်
အိမ်ကိုပြန်
မေမေ့ရင်ခွင်မှာ ခေါင်းအပ်
ချွဲနွဲ့ချင်တတ်ကြတဲ့နေရာမှာတော့
မင်းတို့နဲ့အတူတူပါပဲကွယ်..
အခုချိန်မှာလေ
ရွက်ဝါကြွေကြားက ငှက်ခါးတောင်ပံခတ်သံကိုလည်းကြားချင်ဘူး
ထနောင်းရိပ်ကနှောင်းအတိတ်ပုံပြင်တွေလည်းနားမထောင်ချင်ဘူး..
တမာရနံ့တွေကြားက ဥသြသံကိုလည်းမလိုချင်ဘူး..
ငါလိုချင်တာ မင်းတို့ဆီက လွတ်လပ်မှု
ပျော်ရွှင်မှု ၊အပူပင်ကင်းမှုတွေနဲ့
အမေ့ရင်ကို ခေါင်းအပ်ခွင့်ပါ…

မိတ်ဆက်

အားလုံးပဲ မင်္ဂလာပါလို့ ဒီနေရာကနေ နှုတ်ခွန်းဆက်သပါတယ်။ ကျွန်တော်ကတော့ စစ်ကိုင်းတိုင်း ခင်ဦးမြို့နယ်ထဲကရွာလေးတစ်ရွာကပေါ့။ အိုင်တီခေတ်မှာ မျက်စိလည်လမ်းမှားပြီး ဘလော့လောကထဲကို ခြေတစ်လှမ်း စပြီး လှမ်းမိတဲ့သူလို့ပဲ ဆိုကြပါစို့။အညာမြေမှာ မွေးပြီး၊တမာရနံ့တွေထဲမှာ ကြီးပြင်းခဲ့ရတဲ့ ကျွန်တော်ရဲ့ အတွေးအခေါ်တွေက လှပချင်မှ လှပပါလိမ့်မယ်။ ဒါပေမယ့် အားလုံးကိုဖိတ်ခေါ်ပါတယ်။
*လာပါ။
*လည်ပါ။
*ဖတ်ပါ။
*ဝေဖန်ပါ။
*အကြံပေးပါ။
*ခင်မင်ပါ။
ဘာမှမသိ၊ဘာမှမတတ်ပေမယ့် ကိုယ့်ရဲ့စိတ်ခံစားချက်၊ အတွေ့အကြုံ၊အတွေ့အမြင်လေးတွေကို မျှဝေလိုတဲ့ ဆန္ဒတစ်ခုကြောင့် စိတ်ထဲရှိတာလေးတွေကို
ချရေးဖြစ်တဲ့သဘောပါ။အားပေးတဲ့အတွက် အားလုံးကို ကျေးဇူးတင်ပါတယ်။